ਹਜ਼ੂਰ ਸਾਹਿਬ ਤੋਂ ਆਈ ਟਾਂਡਾ ਦੇ ਪਿੰਡ ਭੂਲਪੁਰ ਦੀ ਇਕ ਹੋਰ ਔਰਤ ਦਾ ਟੈਸਟ ਆਇਆ ਪਾਜੀਟਿਵ

                     ਪਿੰਡ ਵਾਸੀਆਂ ਨੇ ਪਿੰਡ ਕੀਤਾ ਸੀਲ           

                                                       ਟਾਂਡਾ ਉੜਮੁੜ, 3 ਮਈ ( ਪੱਤਰਕਾਰ ਮੰਚ  ) -   ਨੰਦੇੜ ਸਾਹਿਬ ਤੋਂ ਆਪਣੇ ਪਿੰਡ  ਭੂਲਪੁਰ ਆਈ ਇੱਕ ਹੋਰ ਔਰਤ  ਦਾ ਟੈਸਟ ਕੋਰੋਨਾ ਪਾਜੀਟਿਵ ਆਇਆ ਹੈ | ਜਾਣਕਾਰੀ ਅਨੁਸਾਰ  ਕੁਲਵੰਤ ਕੌਰ ਪਤਨੀ ਗੁਰਦੇਵ ਸਿੰਘ  ਨਾਂਦੇੜ ਸਾਹਿਬ ਤੋਂ ਗੁਰਦਾਸਪੁਰ  ਆਏ ਜੱਥੇ ਵਿੱਚ ਸ਼ਾਮਲ  ਸੀ ਅਤੇ ਬਿਨਾਂ ਟੈਸਟ ਕਰਵਾਏ ਲਾਪਰਵਾਹੀ ਨਾਲ ਆਪਣੇ ਘਰ ਟੈਕਸੀ ਕਿਰਾਏ ਤੇ ਕਰਵਾ ਆਪਣੇ ਘਰ ਆ ਗਈ ਸੀ | ਜਿਸਦਾ ਬਾਅਦ ਵਿੱਚ ਪਤਾ ਲੱਗਣ ਤੇ ਸਰਕਾਰੀ ਹਸਪਤਾਲ ਟਾਂਡਾ ਦੀ ਟੀਮ ਵੱਲੋ 29 ਅਪ੍ਰੈਲ ਨੂੰ ਉਸਨੂੰ  ਹੁਸ਼ਿਆਰਪੁਰ ਦੇ ਇਕਾਂਤਵਾਸ ਸੈਂਟਰ ਵਿੱਚ ਭਾਰਤੀ ਕਰਵਾਇਆ ਗਿਆ ਸੀ |   ਪਿੰਡ ਵਾਸੀਆਂ ਨੇ ਪਿੰਡ ਨੂੰ ਨੂੰ ਸੀਲ ਕਰ ਦਿੱਤਾ ਹੈ | ਇਸਤੋਂ ਪਹਿਲਾ ਵੀ ਪਿੰਡ ਦੀ ਇਕ ਹੋਰ ਸ਼ਰਧਾਲੂ ਦੀ ਰਿਪੋਰਟ ਪਾਜੀਟਿਵ ਆਈ ਸੀ | ਔਰਤ ਨੂੰ ਪਿੰਡ ਲੈਕੇ ਆਉਣ ਵਾਲੇ ਪਿੰਡ ਵਾਸੀ ਟੈਕਸੀ ਚਾਲਕ ਦਾ ਵੀ ਟੈਸਟ ਕਰਵਾਉਣ ਲਈ ਅੱਜ ਉਸਨੂੰ ਹੁਸ਼ਿਆਰਪੁਰ ਲਿਜਾਇਆ ਗਿਆ ਹੈ | ਕੁਝ ਰਾਹਤ ਵਾਲੀ ਖਬਰ ਇਹ ਹੈ ਕਿ ਘਰ ਵਿੱਚ ਇਕੱਲੀ ਰਹਿੰਦੀ ਔਰਤ ਜਿਸਦਾ ਪਰਿਵਾਰ ਵਿਦੇਸ਼ ਵਿੱਚ ਹੈ ਇਸ ਦੌਰਾਨ ਕਿਸੇ ਪਿੰਡ ਵਾਸੀ ਦੇ ਸੰਪਰਕ ਵਿੱਚ ਨਹੀਂ ਆਈ ਸੀ |