ਨਸ਼ੇ ਵਾਲੀਆਂ ਗੋਲੀਆਂ ਸਮੇਤ ਨੌਜਵਾਨ ਨੂੰ ਟਾਂਡਾ ਪੁਲਿਸ ਨੇ ਕੀਤਾ ਕਾਬੂ

ਟਾਂਡਾ ਉੜਮੜ 27 ਦਸੰਬਰ( ਨਵਦੀਪ ਸਿੰਘ) - ਟਾਂਡਾ ਪੁਲਿਸ  ਦੀ ਟੀਮ ਨੇ ਸਿਨੇਮਾ ਚੌਕ ਨਜ਼ਦੀਕ  ਇੱਕ ਨੌਜਵਾਨ ਨੂੰ ਨਸ਼ੇ ਵਾਲੀਆਂ ਗੋਲੀਆਂ ਸਮੇਤ ਕਾਬੂ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ l  ਥਾਣਾ ਮੁਖੀ ਟਾਂਡਾ ਇੰਸਪੈਕਟਰ ਬਿਕਰਮ ਸਿੰਘ ਨੇ ਦੱਸਿਆ ਕਿ ਐਸ. ਆਈ. ਹਰਮਿੰਦਰ ਸਿੰਘ ,ਥਾਣੇਦਾਰ ਜਸਪਾਲ ਸਿੰਘ, ਲੋਕ ਰਾਮ  ਦੀ ਟੀਮ ਵੱਲੋਂ ਕਾਬੂ ਕੀਤੇ ਗਏ ਮੁਲਜ਼ਮ ਦੀ ਪਛਾਣ ਮਨਪ੍ਰੀਤ ਮਸੀਹ ਉਰਫ ਪੀਤਾ ਪੁੱਤਰ ਨਜੀਰ ਮਸੀਹ ਨਿਵਾਸੀ ਕਾਹਲਵਾਂ ਦੇ ਰੂਪ ਚ ਹੋਈ ਹੈ 

l ਪੁਲਿਸ  ਦੀ ਟੀਮ ਨੇ ਗਸ਼ਤ ਦੌਰਾਨ ਉਕਤ ਮੁਲਜ਼ਮ ਨੂੰ ਕਾਬੂ ਕਰਕੇ ਉਸਦੇ ਕਬਜੇ ਵਿਚੋਂ 290 ਨਸ਼ੇ ਵਾਲੀਆਂ ਗੋਲੀਆਂ ਬਰਾਮਦ ਕਰ ਕੇ ਉਸਦੇ ਖਿਲਾਫ਼ ਐੱਨ ਡੀ ਪੀ ਐੱਸ ਐਕਟ ਦੇ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ  ਸ਼ੁਰੂ ਕਰ ਦਿੱਤੀ ਹੈ l