ਅਰਵਿੰਦਰ ਸਿੰਘ ਰਿੰਕੂ ਯਾਦਗਾਰੀ ਸੂਬਾ ਪੱਧਰੀ ਅਥਲੈਟਿਕ ਮੀਟ ਸਫਲਤਾਪੂਰਵਕ ਸੰਪੰਨ

 100 ਮੀਟਰ ਦੌੜ ਵਿੱਚ ਹਰਮਨਜੋਤ ਸਿੰਘ ਅਤੇ ਲਵਪ੍ਰੀਤ ਕੌਰ ਜੇਤੂ ਬਣੇ  ਟਾਂਡਾ ਉੜਮੁੜ, 30 ਨਵੰਬਰ (ਪੁੰਜ ) -  ਗਿਆਨੀ ਕਰਤਾਰ ਸਿੰਘ ਮੈਮੋਰੀਅਲ ਸਟੇਡੀਅਮ ਸਰਕਾਰੀ ਕਾਲਜ ਟਾਂਡਾ ਅਰਵਿੰਦਰ ਸਿੰਘ ਰਿੰਕੂ ਯਾਦਗਾਰੀ ਸੂਬਾ  ਪੱਧਰੀ ਅਥਲੈਟਿਕ ਮੀਟ ਸੁਚੱਜੇ ਢੰਗ ਨਾਲ ਸੰਪੰਨ ਹੋਈ । ਅਥਲੀਟ ਸਪੋਰਟਸ ਸੈਂਟਰ ਟਾਂਡਾ ਕਾਲਜ ਦੇ ਕੋਚ ਕੁਲਵੰਤ ਸਿੰਘ, ਪ੍ਰਦੀਪ ਵਿਰਲੀ, ਓਂਕਾਰ ਸਿੰਘ ਧੁੱਗਾ, ਨਵਜੋਤ ਜੌਹਲ, ਸਮਿੰਦਰ ਕੌਰ, ਚਰਨਵੀਰ ਸਿੰਘ ਚੈਰੀ, ਸੰਨੀ ਜੌਹਲ, ਸਤਵੀਰ ਸਿੰਘ, ਸਤਨਾਮ ਸਿੰਘ ਦੀ ਦੇਖਰੇਖ ਵਿੱਚ ਹੋਏ ਇਨ੍ਹਾਂ ਮੁਕਾਬਲਿਆਂ ਦਾ ਉਦਘਾਟਨ ਸ਼ਿਰੋਮਣੀ ਅਕਾਲੀ ਦਲ ਸੰਯੁਕਤ ਦੇ ਹਲਕਾ ਇੰਚਾਰਜ   ਮਨਜੀਤ ਸਿੰਘ ਦਸੂਹਾ ਨੇ ਕੀਤਾ।

 ਜਦਕਿ ਜੇਤੂ ਖਿਡਾਰੀਆਂ ਨੂੰ ਇਨਾਮਾਂ ਦੀ ਵੰਡ ਮੁੱਖ ਮਹਿਮਾਨ ਵਣ, ਜੰਗਲੀ ਜੀਵ ਤੇ ਕਿਰਤ ਮੰਤਰੀ ਪੰਜਾਬ ਸੰਗਤ ਸਿੰਘ ਗਿਲਜੀਆਂ ਨੇ ਕੀਤੀ। ਇਸ ਮੌਕੇ ਓਪਨ ਵਰਗ ਵਿੱਚ 100 ਮੀਟਰ ਦੌੜ ਵਿੱਚ ਬਟਾਲਾ ਦੇ ਹਰਮਨਜੋਤ ਸਿੰਘ ਅਤੇ ਖੁਜਾਲਾ ਦੀ ਲਵਪ੍ਰੀਤ ਕੌਰ ਜੇਤੂ ਰਹੇ। ਜਦਕਿ ਅੰਡਰ 19 ਵਰਗ ਵਿੱਚ ਚੱਬੇਵਾਲ ਦਾ ਸਾਹਿਲਪ੍ਰੀਤ ਸਿੰਘ, ਅੰਡਰ 14 ਸਾਲ ਵਰਗ ਵਿੱਚ ਗੁਰਦਾਸਪੁਰ ਦਾ ਜਗਜੀਤ ਸਿੰਘ ਅਤੇ ਭੋਗਪੁਰ ਦਾ ਵੰਦਨਾ ਅਤੇ 17 ਸਾਲ ਵਰਗ ਵਿੱਚ ਹੁਸ਼ਿਆਰਪੁਰ ਦਾ ਨਿਖਿਲ ਪਹਿਲੇ ਸਥਾਨ ’ਤੇ ਰਿਹਾ।400 ਮੀਟਰ ਦੌੜ ਵਿੱਚ ਲੁਧਿਆਣਾ ਦਾ ਰਨਜੋਤ ਸਿੰਘ ਪਹਿਲੇ ਸਥਾਨ ਤੇ ਰਿਹਾ |  ਮੁੱਖ ਮਹਿਮਾਨ ਕੈਬਨਿਟ ਮੰਤਰੀ ਗਿਲਜੀਆਂ ਨੇ ਜੇਤੂ ਖਿਡਾਰੀਆਂ ਨੂੰ ਇਨਾਮ ਦਿੰਦੇ ਹੋਏ ਪ੍ਰਬੰਧਕਾਂ ਦੇ ਖੇਡਾਂ ਨੂੰ ਪ੍ਰਫੁੱਲਤ ਕਰਨ ਦੇ ਮਿਸ਼ਨ ਦੀ ਸ਼ਲਾਘਾ ਕੀਤੀ। ਓਲੰਪੀਅਨ ਹਰੀ ਚੰਦ, ਸੁਨੀਤਾ ਰਾਣੀ, ਕਮਲੇਸ਼ ਕੌਰ, ਬਲਜੀਤ ਸਿੰਘ, ਊਸ਼ਾ ਰਾਣੀ, ਮਨਜੀਤ ਸਿੰਘ ਖਾਲਸਾ, ਦੇਸ ਰਾਜ ਡੋਗਰਾ, ਕਰਮ ਸਿੰਘ ਜੌਹਲ, ਬਲਰਾਜ ਸਿੰਘ, ਸੁਖਨਿੰਦਰ ਸਿੰਘ, ਗੁਰਦੇਵ ਸਿੰਘ, ਬੌਬੀ ਮਾਲਵਾ, ਦੀਪਕ ਸੋਂਧੀ, ਗੁਰਦਿਆਲ ਸਿੰਘ ਚੌਹਾਨ ਆਦਿ ਹਾਜ਼ਰ ਸਨ |