ਅੰਤਿਮ ਸਾਹਾ ਤੱਕ ਮਾਨਵਤਾ ਦੀ ਸੇਵਾ ਕਰਦੇ ਰਹੇ ਡਾ. ਸ਼ਿਵ ਚੰਦ

ਟਾਂਡਾ ਉੜਮੁੜ, 30 ਦਸੰਬਰ (ਵਰਿੰਦਰ ਪੰਡਿਤ) -  ਡਾ ਸ਼ਿਵ ਚੰਦ ਟਾਂਡਾ ਇਲਾਕੇ ਦੀ ਚਲਦੀ ਫਿਰਦੀ ਸਮਾਜ ਸੇਵੀ ਸੰਸਥਾ ਸਨ, ਜੋ ਭਾਵੇ ਇਸ ਜਹਾਨੋ ਰੁਖ਼ਸਤ ਲੈ ਗਏ ਹਨ ਪਰੰਤੂ ਉਨਾਂ ਦੀ ਨੇਕਨਾਮੀ ਹਮੇਸ਼ਾ ਜਿਉਂਦੀ ਰਹੇਗੀ . ਸਿੰਬਲੀ (ਨਵਾਂ ਸ਼ਹਿਰ) ਵਿੱਚ ਜਨਮੇ ਡਾ.ਸ਼ਿਵ ਚੰਦ ਨੇ 1967 ਵਿੱਚ ਸਿਹਤ ਵਿਭਾਗ ਵਿੱਚ ਸੇਵਾਵਾਂ ਸ਼ੁਰੂ ਕੀਤੀਆਂ ਅਤੇ ਸ਼ਾਨਦਾਰ ਸੇਵਾਵਾਂ ਤੋਂ ਬਾਅਦ 2001 ਵਿੱਚ ਸਰਕਾਰੀ ਹਸਪਤਾਲ ਟਾਂਡਾ ਤੋਂ ਬਤੋਰ ਹੈਲਥ ਇੰਸਪੈਕਟਰ ਸੇਵਾਮੁਕਤ ਹੋਏ . ਇਸ ਦੌਰਾਨ ਉਨਾਂ ਆਪਣੀ ਹਮਸਫਰ ਰਜਿੰਦਰ ਕੌਰ ਨਾਲ ਮਿਲਕੇ ਆਪਣੇ ਬੇਟੇ ਬੇਟੀਆਂ ਦੀ ਯੋਗ ਪਰਵਰਿਸ਼ ਕਰਕੇ ਉੱਚ ਸਿੱਖਿਆ ਦਿਵਾਈ . ਸੇਵਾ ਮੁਕਤੀ ਤੋਂ ਬਾਅਦ ਵੱਖ ਵੱਖ ਸਮਾਜ ਸੇਵੀ ਸੰਸਥਾਵਾਂ ਨਾਲ ਮਿਲਕੇ ਉਨਾਂ ਸਮਾਜ ਸੇਵੀ ਮਿਸ਼ਨ ਸ਼ੁਰੂ ਕੀਤਾ . ਲੋੜਵੰਦਾ ਦੀ ਮਦਦ ਦਾ ਇਹ ਮਿਸ਼ਨ ਉਨਾਂ ਦੀਆਂ ਅੰਤਿਮ ਸਾਹਾ ਤੱਕ ਚਲਦਾ ਰਿਹਾ . ਅੱਜ 31 ਦਸੰਬਰ ਨੂੰ ਉਨਾਂ ਨਮਿੱਤ ਰੱਖੇ ਸਹਿਜ ਪਾਠ ਦੇ ਭੋਗ ਉਪਰੰਤ ਦੁਪਹਿਰ 12 ਤੋਂ 2 ਵਜੇ ਤੱਕ ਸ੍ਰੀ ਗੁਰੂ ਰਵਿਦਾਸ ਭਵਨ ਦਸ਼ਮੇਸ਼ ਨਗਰ ਟਾਂਡਾ ਵਿੱਚ  ਹੋਣ ਵਾਲੇ ਅੰਤਿਮ ਅਰਦਾਸ ਅਤੇ ਸ਼ਰਧਾਂਜਲੀ ਸਮਾਗਮ ਵਿੱਚ ਵੱਖ ਵੱਖ ਹਸਤੀਆਂ ਨੂੰ ਉਨਾਂ ਨੂੰ ਸ਼ਰਧਾਂਜਲੀ ਅਰਪਿਤ ਕਰਨਗੀਆਂ