ਨਾਨਕ ਸੋਚ ਸੁਸਾਇਟੀ ਵੱਲੋ ਪਿੰਡ ਅਵਾਨ ਘੋੜੇਸ਼ਾਹ ਵਿੱਚ ਲਾਇਆ ਗਿਆ ਮੈਡੀਕਲ ਅਤੇ ਅੱਖਾਂ ਦਾ ਮੁਫ਼ਤ ਮੈਡੀਕਲ ਚੈੱਕਅਪ ਕੈਂਪ

 ਟਾਂਡਾ ਉੜਮੁੜ, 21  ਫਰਵਰੀ (ਵਰਿੰਦਰ ਪੰਡਿਤ) - ਨਾਨਕ ਸੋਚ ਵੈੱਲਫੇਅਰ ਸੁਸਾਇਟੀ ਵੱਲੋ ਅੱਜ ਪਿੰਡ ਅਵਾਨ ਘੋੜੇਸ਼ਾਹ ਵਿੱਚ ਮੈਡੀਕਲ ਅਤੇ ਅੱਖਾਂ ਦਾ ਮੁਫ਼ਤ ਮੈਡੀਕਲ ਚੈੱਕਅਪ ਕੈਂਪ  ਲਾਇਆ ਗਿਆ | ਜਿਸ ਵਿੱਚ ਕੋਵਿਡ 19 ਸੰਬੰਧੀ ਸਰਕਾਰ ਵੱਲੋ ਜਾਰੀ ਹਦਾਇਤਾਂ ਦਾ ਪਾਲਣ ਕਰਨ ਦੇ ਨਾਲ ਨਾਲ ਕੋਰੋਨਾ ਟੈਸਟ ਵੀ ਕੀਤੇ ਗਏ |  ਮੁੱਖ ਪ੍ਰਬੰਧਕ ਸਤਪਾਲ ਸਿੰਘ ਮੁਲਤਾਨੀ ਰਿੱਚੀ ਟ੍ਰੈਵਲ ਵਾਲਿਆਂ  ਦੀ ਅਗਵਾਈ ਵਿੱਚ ਮਾਤਾ  ਮਹਿੰਦਰ ਕੌਰ ਅਤੇ ਜੋਗਿੰਦਰ ਸਿੰਘ ਮੁਲਤਾਨੀ ਦੀ ਯਾਦ ਵਿੱਚ ਲੱਗੇ ਇਸ ਕੈਂਪ ਦਾ ਉਦਘਾਟਨ ਸਰਬੱਤ ਦੇ ਭਲੇ ਦੀ ਅਰਦਾਸ ਉਪਰੰਤ ਡਾ. ਹਰਮੀਤ ਪਾਲ ਸਿੰਘ ਨੇ ਕੀਤਾ |

 ਕੈਂਪ ਵਿੱਚ ਮਾਡਰਨ ਹਸਪਤਾਲ ਸ੍ਰੀਮਨ ਹਸਪਤਾਲ ਦੇ ਮਾਹਿਰ ਡਾਕਟਰਾਂ ਡਾ. ਹਰਮੀਤ ਪਾਲ ਸਿੰਘ, ਸੁਨੀਲ ਬਤਰਾ, ਬਲਵਿੰਦਰ ਸਿੰਘ, ਬੁਰਹਾਨ ਵਾਨੀ, ਦੀ ਟੀਮ ਨੇ  ਸੇਵਾਵਾਂ ਦਿੰਦੇ ਹੋਏ ਮਰੀਜ਼ਾਂ ਨੂੰ ਦਵਾਈਆਂ ਦਿੱਤੀਆਂ ਅਤੇ ਸੇਹਤਮੰਦ ਰਹਿਣ ਲਈ  ਜਰੂਰੀ ਜਾਣਕਾਰੀਆਂ ਦਿੱਤੀਆਂ | ਕੈਂਪ ਦੌਰਾਨ ਵੱਖ ਵੱਖ ਤਰਾਂ ਦੇ ਮੈਡੀਕਲ ਟੈਸਟਾਂ ਦੇ ਨਾਲ ਨਾਲ ਕੈਂਸਰ ਜਾਂਚ ਵੀ ਕੀਤੀ ਗਈ | ਇਸਦੇ ਨਾਲ ਹੀ ਆਏ ਹੂਏ ਮਰੀਜ਼ਾਂ ਲਈ ਲੰਗਰ ਦਾ ਪ੍ਰਬੰਧ ਵੀ ਕੀਤਾ ਗਿਆ |   

                        ਕੈਂਪ ਦੇ ਸਪਾਮਪ ਤੇ ਸੁਸਾਇਟੀ ਵੱਲੋ ਡਾਕਟਰਾਂ ਦੀ ਟੀਮ ਨੂੰ ਸਨਮਾਨਿਤ ਕੀਤਾ ਗਿਆ |

ਇਸ ਮੌਕੇ ਐੱਸ.ਐੱਮ.ਓ. ਪ੍ਰੀਤ ਮਹਿੰਦਰ ਸਿੰਘ, ਡਾ.ਕੇਵਲ ਸਿੰਘ, ਅਮਰਪ੍ਰੀਤ ਪਾਲ ਸਿੰਘ ਮੁਲਤਾਨੀ, ਅਮ੍ਰਿਤਪਾਲ ਸਿੰਘ ਮੁਲਤਾਨੀ, ਬੋਬੀਨਾ ਸਭਰਵਾਲ, ਗੁਰਮੁਖ ਸਿੰਘ, ਗੁਰਨਾਮ ਸਿੰਘ, ਪਵਨ ਰਾਣਾ, ਨਵਜੋਤ ਸਿੰਘ, ਅਮਨਪ੍ਰੀਤ ਕੌਰ ਮੁਲਤਾਨੀ, ਅਸਮਿਤਾ ਮੁਲਤਾਨੀ, ਵਿਪਨ ਰਹੇਜਾ, ਬੋਬੀ ਸਪੇਨ, ਆੰਦ੍ਰੇ ਮਾਸਕੋ, ਰੋਹਿਤ ਸਹੋਤਾ, ਸੂਬੇਦਾਰ ਸਰੂਪ ਸਿੰਘ, ਸਰੂਪ ਸਿੰਘ, ਬਲਬੀਰ ਸਿੰਘ, ਅਵਤਾਰ ਸਿੰਘ, ਕੁਲਵੰਤ ਸਿੰਘ, ਸੁਖਵਿੰਦਰ ਸਿੰਘ ਜੋਨੀ, ਸਤਨਾਮ ਸਿੰਘ, ਫੁੱਮਣ ਸਿੰਘ , ਹਰਪਾਲ ਸਿੰਘ, ਸੁਰਜੀਤ ਸਿੰਘ, ਰਵੇਲ ਸਿੰਘ, ਕੈਪਟਨ ਫੇਰਾ ਸਿੰਘ, ਨੰਬਰਦਾਰ ਹਰਵਿੰਦਰ ਸਿੰਘ ਆਦਿ ਮੌਜੂਦ ਸਨ |